Tips for a long and healthy life

ಆರೋಗ್ಯಕ್ಕೆ ಸಂಬಂಧ ಪಟ್ಟ ಅನೇಕ  ಸಮಸ್ಯೆಗಳು ನಿಮ್ಮ ಜೀವನ ಶೈಲಿಯಿಂದಲೇ ಬರುವುದು. ಪ್ರತಿ ಸಮಸ್ಯೆಗೆ ಆಧುನಿಕ ವೈದ್ಯಕೀಯ ಪರಿಹಾರವನ್ನು ಪಡೆಯುವ ಬದಲು, ನೀವು ಎಂದಿಗೂ ಅನಾರೋಗ್ಯಕ್ಕೆ ಒಳಗಾಗದ ರೀತಿಯಲ್ಲಿ ಬದುಕುವುದು ಉತ್ತಮ.

ತಡೆಗಟ್ಟುವಿಕೆ ಖಂಡಿತವಾಗಿಯೂ ಚಿಕಿತ್ಸೆಗಿಂತ ಉತ್ತಮ ಎಂದು ನನ್ನ ಅನಿಸಿಕೆ. ದೀರ್ಘ ಮತ್ತು ಆರೋಗ್ಯಕರ ಜೀವನವನ್ನು ಹೇಗೆ ನಡೆಸಬಹುದೆಂಬುದರ  ಕುರಿತು ಕೆಲವು ಸಲಹೆಗಳು ಇಲ್ಲಿವೆ. .

1. ಸಾಕಷ್ಟು ವ್ಯಾಯಾಮ ಪಡೆಯಿರಿ.

ಹಿಂದೆ ಜನರು ತಮ್ಮ ದೈಹಿಕ ಶ್ರಮವನ್ನು ತಮ್ಮ ಸಾಮಾನ್ಯ ದೈನಂದಿನ  ಕೆಲಸಗಳಲ್ಲಿ  ಬಳಸಬೇಕಾಗಿತ್ತು. ಆದರೆ ಇಂದು ಬೆಳಿಗ್ಗೆ ಎದ್ದು, ಕಾರಿನಲ್ಲಿ ಕೆಲಸಕ್ಕೆ ಹೋಗಿ, ನಂತರ ಆಫೀಸ್ನಲ್ಲಿ ದಿನವಿಡೀ ಕುಳಿತು ಕೆಲಸ ಮಾಡಿ, ಮರಳಿ ಕಾರಿನಲ್ಲಿ ಮನೆಗೆ ಹೊರಟು ಮತ್ತೆ ಮನೆಗೆ ಬಂದ ಮೇಲೆ ಉಳಿದ ದಿನವಿಡೀ ಪುನಃ ಕುಳಿತು ಕೊಳ್ಳುವ ಪರಿಸ್ಥಿತಿ. ಇಂತಹ  ಜೀವನದಲ್ಲಿ ದೈಹಿಕ ಶ್ರಮವಿಲ್ಲ. ಈ ದೈಹಿಕ ನಿಷ್ಕ್ರಿಯತೆಯು ಹಲವಾರು ರೋಗಗಳಿಗೆ ಕಾರಣವಾಗಬಹುದು . ಕ್ರೀಡೆ, ಓಟ Jogger Suits, ವಾಕಿಂಗ್ Walking shoes ಮತ್ತು ಇತರ ವಿಷಯಗಳನ್ನು ನಮ್ಮ ಜೀವನದಲ್ಲಿ ಅಳವಡಿಸಿ ಕೊಳ್ಳಬೇಕು. ಆಗ ನಮ್ಮ ಸಾಮಾನ್ಯ ಕೆಲಸಕ್ಕೆ ನಾವು ದೈಹಿಕವಾಗಿ ಶ್ರಮಪಡುವ ಅಗತ್ಯವಿಲ್ಲ.

2. ನಿದ್ದೆ ಬಂದಾಗ ನಿದ್ರೆಗೆ ಹೋಗಿ.

ಇದು ಸರಳವಾಗಿ ಕಾಣಿಸಬಹುದು, ಆದರೆ ಅನೇಕ ಜನರು ತಮ್ಮ ದೇಹವು ಮಲಗುವ ಸಮಯ ಎಂದು ಹೇಳುತ್ತಿದ್ದರೂ ಸಹ ತಡವಾಗಿ ಮಲಗುತ್ತಾರೆ. ಯೋಗ ಮತ್ತು ಆಯುರ್ವೇದ ವೈದ್ಯರು ಕೂಡ ರಾತ್ರಿ ಮಲಗುವುದು ಮತ್ತು ಹಗಲಿನಲ್ಲಿ ಸಕ್ರಿಯವಾಗಿರುವುದು ಉತ್ತಮ ಎಂದು ಹೇಳುತ್ತಾರೆ. ಆದಾಗ್ಯೂ, ಹಲವು ವಿದ್ಯಾರ್ಥಿಗಳು ತಡರಾತ್ರಿಯವರೆಗೆ ಅಧ್ಯಯನ ಮಾಡಲು ಕಾಫಿ ಮತ್ತು ಉತ್ತೇಜಕಗಳನ್ನು ತೆಗೆದುಕೊಳ್ಳುತ್ತಾರೆ. ಇನ್ನು ಕೆಲವರು ರಾತ್ರಿಯಲ್ಲಿ ಸಕ್ರಿಯರಾಗಿ, ಹಗಲಿನಲ್ಲಿ ಮಲಗುವ ಅಭ್ಯಾಸವನ್ನು ಬೆಳೆಸಿಕೊಳ್ಳುತ್ತಾರೆ. ನಾವು ಇದನ್ನು ಮಾಡಬಹುದಾದರೂ, ಅದು ಅಂತಿಮವಾಗಿ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಈ ರೀತಿಯ ಅಸ್ವಾಭಾವಿಕ ಜೀವನವು ಕ್ಯಾನ್ಸರ್ ಮತ್ತು ಇತರ ಕಾಯಿಲೆಗಳಿಗೆ ಕಾರಣವಾಗುವ ಅಂಶಗಳಲ್ಲಿ ಒಂದಾಗಿದೆ ಎಂದು ವೈದ್ಯರು ಹೇಳುತ್ತಾರೆ.

3. ಹಸಿವಾದಾಗ ತಿನ್ನಿರಿ.

ಇದು ಕೂಡ ಒಂದು ಸರಳ ಉಪಾಯ. ನೀವು ದಿನನಿತ್ಯದ ಸಮಯದಲ್ಲಿ ಅಭ್ಯಾಸದಿಂದ ಅಥವಾ ಸಾಮಾಜಿಕ ಒತ್ತಡದಿಂದಾಗಿ ತಿನ್ನುತ್ತಿದ್ದರೆ, ನಿಮಗೆ ನಿಜವಾದ ಹಸಿವು ಇಲ್ಲದಿದ್ದರೂ ಸಹ, ನೀವು ನಿಮ್ಮ ಆಹಾರವನ್ನು ಸರಿಯಾಗಿ ಜೀರ್ಣಿಸಿಕೊಳ್ಳಲಾಗುವುದಿಲ್ಲ.  ಇದರಿಂದ ಅಸಿಡಿಟಿ ಮತ್ತು ಅಜೀರ್ಣ ಆರಂಭವಾಗುತ್ತದೆ, ಮತ್ತು ಇದು ಇತರ ಸಂಕೀರ್ಣ ರೋಗಗಳು ಬೇರೂರಲು ಕಾರಣವಾಗುತ್ತದೆ. ಹಸಿವು ನಿಜವಾಗಿಯೂ ಉತ್ತಮ ಆರೋಗ್ಯದ ಸಂಕೇತವಾಗಿದೆ, ಆದರೆ ನಿಮಗೆ ಹಸಿವು ಇಲ್ಲದಿದ್ದರೆ ನೀವು ಸ್ವಲ್ಪ ಕಾಯಬೇಕು ಮತ್ತು ನಂತರ ತಿನ್ನಬೇಕು. 

4. ನಿಯಮಿತವಾಗಿ  ಉಪವಾಸ ಮಾಡಿ 

ನೀವು ಯಾವುದೇ ವ್ಯಕ್ತಿಯನ್ನು ವರ್ಷಕ್ಕೆ 365 ದಿನಗಳು ಯಾವುದೇ ವಿಶ್ರಾಂತಿಯಿಲ್ಲದೆ ಕೆಲಸ ಮಾಡಲು ಕೇಳಿದರೆ, ಅವರು  ಒಪ್ಪಲಾರರು ಮತ್ತು ಸ್ವಲ್ಪ ವಿಶ್ರಾಂತಿ ಪಡೆಯಬೇಕು, ಇಲ್ಲದಿದ್ದರೆ ಸತ್ತೇ ಹೋಗುವೆ ಎಂದು ಹೇಳುತ್ತಾರೆ.  ನಮ್ಮ ಜೀರ್ಣಕಾರಿ ಅಂಗಗಲೂ ಸಹ ಹಾಗೆಯೆ. ಆದರೆ ಅದರ ಬಗ್ಗೆ ನಾವು ಎಂದಿಗೂ ತಲೆಕೆಡಿಸಿಕೊಂಡಿಲ್ಲ. ಅವಕ್ಕೆ ವಿಶ್ರಾಂತಿ ಇಲ್ಲದೆ ದಿನದಿಂದ ದಿನಕ್ಕೆ ಕೆಲಸ ಮಾಡಲು ಒತ್ತಾಯಿಸುತ್ತೇವೆ. ಅವುಗಳು ನಮಗೆ ತಡೆರಹಿತವಾಗಿ ಕೆಲಸ ಮಾಡಲು ಸಾಧ್ಯವಿಲ್ಲ ಎಂಬ ಸಂಕೇತಗಳನ್ನುನೀಡುತ್ತಿರುತ್ತವೆ. ಆದರೆ ನಾವು ಆ ಸಂಕೇತಗಳನ್ನು ನಿರ್ಲಕ್ಷಿಸಿದಾಗ ಮತ್ತು ಅವುಗಳನ್ನು ಕೆಲಸ ಮಾಡಲು ಒತ್ತಾಯಿಸಿದಾಗ, ಆ ಅಂಗಗಳಲ್ಲಿ ಸಮಸ್ಯೆಗಳು ತಲೆದೋರಬಹುದು. ಅದಕ್ಕಾಗಿಯೇ ಆವರ್ತಕ ಉಪವಾಸ ಅಗತ್ಯ. ಒಂದು ಸಂಪೂರ್ಣ ದಿನ ತಿನ್ನುವುದನ್ನು ತಡೆಯಿರಿ. ಇದು ನಿಮ್ಮ ಜೀರ್ಣಕಾರಿ ಅಂಗಗಳಿಗೆ ವಿಶ್ರಾಂತಿ ನೀಡುತ್ತದೆ ಮತ್ತು ನಿಮ್ಮ ದೇಹದಿಂದ ತ್ಯಾಜ್ಯವನ್ನು ಹೊರಹಾಕಲು ಸಹಾಯ ಮಾಡುತ್ತದೆ. 

5. ಮಲಗುವ ಮುನ್ನ ತಂಪಾದ ನೀರಿನಿಂದ ತೊಳೆಯಿರಿ

ಮೇಲೆ ಹೇಳಿದಂತೆ, ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸರಿಯಾದ ನಿದ್ರೆ ಅತ್ಯಗತ್ಯ. ನಿಮ್ಮ ಪ್ರಮುಖ ಸಂವೇದನಾ ಅಂಗಗಳನ್ನು (ಕೈಗಳು, ತೋಳುಗಳು, ಕಣ್ಣುಗಳು, ಕಾಲುಗಳು, ಬಾಯಿ, ಜನನಾಂಗಗಳು) ಮಲಗುವ ಮುನ್ನ ತಣ್ಣೀರಿನಿಂದ ತೊಳೆದರೆ, ಇದು ನಿಮಗೆ ವಿಶ್ರಾಂತಿಯನ್ನು ನೀಡುತ್ತದೆ ಮತ್ತು ಗಾಢವಾದ ನಿದ್ರೆಗೆ ನಿಮ್ಮನ್ನು ಸಿದ್ಧಗೊಳಿಸುತ್ತದೆ.

6. ನಿಯಮಿತವಾಗಿ ಧ್ಯಾನ ಮಾಡಿ

ನಿಮ್ಮ ದೇಹವು ನಿಮ್ಮ ಮನಸ್ಸಿನೊಂದಿಗೆ ಸಂಬಂಧ ಹೊಂದಿದೆ. ಈ ಯುಗದ ಅನೇಕ ರೋಗಗಳು ಮನೋವೈಜ್ಞಾನಿಕವಾಗಿವೆ. ಒತ್ತಡ ಮತ್ತು ಆತಂಕವು ನಮ್ಮ ದೈಹಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಧ್ಯಾನವು ಮಾನಸಿಕ ವ್ಯಾಯಾಮವಾಗಿದ್ದು,   ಜೀವನದ ಚಿಂತೆಗಳಿಂದ ನಿಮ್ಮನ್ನು ದೂರವಿರಿಸಲು ನಿಮಗೆ ಅನುವು ಮಾಡಿಕೊಡುತ್ತದೆ. 

7. ಪ್ರತಿದಿನ ಬೇಗ ಎದ್ದೇಳಿ

ಒಂದು  ಹಳೆಯ ಇಂಗ್ಲಿಷ್  ಗಾದೆ ಇದೆ , "ಅರ್ಲಿ ಟು ಬೆಡ್ , ಅರ್ಲಿ ಟು ರೈಸ್ ಮೇಕ್ಸ್ ಆ ಪರ್ಸನ್ ಹೆಲ್ಥಿ , ವೆಲ್ಥಿ ಅಂಡ್ ವೈಸ್." ಅದು ನಿಮ್ಮನ್ನು ಶ್ರೀಮಂತರನ್ನಾಗಿಸುತ್ತದೆಯೋ ಇಲ್ಲವೋ ಎಂದು ನನಗೆ ಗೊತ್ತಿಲ್ಲ, ಆದರೆ ನಿಮ್ಮನ್ನು ಖಂಡಿತವಾಗಿಯೂ ಆರೋಗ್ಯವಂತರನ್ನಾಗಿ ಮಾಡುತ್ತದೆ. ನಿಮ್ಮ ದೇಹಕ್ಕೆ ಸಾಕಷ್ಟು ನಿದ್ರೆ ಬೇಕು, ಹೆಚ್ಚೂ ಅಲ್ಲ ಮತ್ತು ಕಡಿಮೆಯೂ ಅಲ್ಲ.

ಈ ಸಲಹೆಗಳನ್ನು ಪಾಲಿಸಿ ಮತ್ತು ಫಲಿತಂಶವನ್ನು ನೀವೇ ಗಮನಿಸುವಿರಿ.