The bonding between you and your child

ಪ್ರತಿಯೊಬ್ಬ ಪೋಷಕರು ಉತ್ತಮ ರೀತಿಯಲ್ಲಿ ತನ್ನ ಮಗುವನ್ನು ಬೆಳೆಸುವ ಗುರಿಯನ್ನು ಹೊಂದಿರುತ್ತಾರೆ. ಪೇರೆಂಟಿಂಗ್ ಒಂದು ನೈಸರ್ಗಿಕ ಪ್ರಕ್ರಿಯೆ ಮತ್ತು ಹೆಚ್ಚಾಗಿ ಪುಸ್ತಕಗಳು, ಸಲಹೆಗಾರರು ಅಥವಾ ವೈದ್ಯರು ನಿಮಗೆ ಮಾರ್ಗದರ್ಶನ ನೀಡುವುದಿಲ್ಲ. ಇದು ನಿಮ್ಮ ಮಗುವಿನೊಂದಿಗಿರುವ ನಿಮ್ಮ ಬಾಂಧವ್ಯ.  

ಮಗು ಜನಿಸಿದಾಗ ಅದು ತನ್ನ ತಾಯಿಯನ್ನು ಯಾವುದೇ ಸಂದೇಹವಿಲ್ಲದೆ ನಂಬುತ್ತದೆ ಮತ್ತು ಪ್ರೀತಿ, ಪೋಷಣೆ ಮತ್ತು ರಕ್ಷಣೆಗಾಗಿ ಅವಳ ಕಡೆಗೆ ನೋಡುತ್ತದೆ. ಪ್ರತಿಯಾಗಿ ತಾಯಿ ಸಹಜವಾಗಿಯೇ ಮಗುವನ್ನು ತನ್ನ ಎದೆಗಪ್ಪಿ ಹಿಡಿದಿಟ್ಟುಕೊಳ್ಳುತ್ತಾಳೆ ಮತ್ತು ಮಗು ಯಾವಾಗ ಆರೋಗ್ಯವಾಗಿರುತ್ತದೆ ಮತ್ತು ಯಾವಾಗ ಅನಾರೋಗ್ಯಕ್ಕೆ ಒಳಗಾಗುತ್ತದೆ ಎನ್ನುವುದನ್ನು ತಿಳಿದಿರುತ್ತಾಳೆ. ಮಗು ಬೆಳೆದಂತೆ ಈ ಸಂಪರ್ಕ ಬೆಳೆಯುತ್ತಾ ಹೋಗುತ್ತದೆ. ನಿಮ್ಮಿಬ್ಬರ ನಡುವೆ ಅಂತರ ಬೆಳೆಯಲು ಎಂದಿಗೂ ಅವಕಾಶ ಕೊಡಬೇಡಿ. ನೀವು ಮಗುವಿಗೆ ಹತ್ತಿರವಾಗಲು ಮತ್ತು ಯಾವಾಗಲೂ ಅವನ ಅಥವಾ ಅವಳೊಂದಿಗೆ ಇರಲು ಬಯಸಿದರೆ ನಿಕಟ ಮತ್ತು ವಿಶ್ವಾಸಾರ್ಹ ಸಂಬಂಧವನ್ನು ಕಾಯ್ದುಕೊಳ್ಳುವುದು ಬಹಳ ಮುಖ್ಯ.

ಪೋಷಕರ ಗಮನಿಸಬೇಕಾದ ಕೆಲವು ಅಂಶಗಳು:

1. ಮಗುವಿನ ಭಾವನಾತ್ಮಕ ಅಗತ್ಯಗಳನ್ನು ಅರ್ಥಮಾಡಿಕೊಳ್ಳಿ. ಮಗುವಿನ ಇಷ್ಟಗಳು ಯಾವುವು ಎಂಬುದನ್ನು ಕಂಡುಕೊಳ್ಳಿ.

2. ಮಗುವನ್ನು ಅವನು ಅಥವಾ ಅವಳು ಯಾರೆಂದು ಒಪ್ಪಿಕೊಳ್ಳಿ. ನಿಮ್ಮ ದೃಷ್ಟಿಕೋನದಂತೆ ಮಗುವನ್ನು ರೂಪಿಸಲು ಎಂದಿಗೂ ಪ್ರಯತ್ನಿಸಬೇಡಿ. 

3. ಮಗುವನ್ನು ತಮ್ಮ ಅತ್ಯುತ್ತಮ ಕೆಲಸ ಮಾಡಲು ಪ್ರೇರೇಪಿಸಿ. ಆದರೆ ಸಾಧ್ಯವಾಗದ್ದನ್ನು ಎಂದಿಗೂ ಮಗುವಿನ ಮೇಲೆ ಹೇರಬೇಡಿ. ಪ್ರತಿ ಮಗುವಿಗೂ ಅದರದೇ ಆದ ಲಿಮಿಟೇಷನ್ಸ್ ಇವೆ ಮತ್ತು ಪ್ರತಿ ಮಗು ಸಾಧಕರಾಗುವುದು ಕಷ್ಟ.

4. ಪ್ರತಿ ಮಗು ಒಂದಲ್ಲ ಒಂದು ಕ್ಷೇತ್ರದಲ್ಲಿ ಪ್ರತಿಭೆಯನ್ನು ಹೊಂದಿದೆ ಎಂದು ಅಧ್ಯಯನಗಳು ತೋರಿಸುತ್ತವೆ. ಮಗುವಿಗೆ ಸಸ್ಯಗಳನ್ನು ಬೆಳೆಸುವ Gardening ಅಥವಾ ಶುಶ್ರೂಷೆ ಮಾಡುವ ಪ್ರತಿಭೆ ಇದ್ದರೆ ಪೋಷಕರು ತಮ್ಮ ಮಗು ಸಾಫ್ಟ್ ವೇರ್ ವೃತ್ತಿಪರರಾಗಿ, ವೈದ್ಯರಾಗಿ ಅಥವಾ ಇಂಜಿನಿಯರ್ ಆಗಬೇಕೆಂದು ಬಯಸುವುದು ಅಪ್ರಾಯೋಗಿಕ. ಮಗುವಿಗೆ ತನ್ನ ಕನಸುಗಳನ್ನು ನನಸಾಗಿಸಲು ಅವಕಾಶ ಕೊಡಿ. ನಿಮ್ಮ ಈಡೇರದ ಮಹತ್ವಾಕಾಂಕ್ಷೆಗಳನ್ನು ಮಗುವಿನ ಮೇಲೆ ಹೇರಬೇಡಿ.

5. ನೀವು ಮಕ್ಕಳ ಮುಂದೆ ಜಗಳವಾಡಬೇಡಿ ಅಥವಾ ಕೂಗಬೇಡಿ. ಇದು ಅವರನ್ನು ಅಸಮಾಧಾನಗೊಳಿಸುತ್ತದೆ. ಎಲ್ಲಾ ಜಗಳಗಳನ್ನು ಮುಚ್ಚಿದ ಬಾಗಿಲುಗಳ ಹಿಂದೆ ಅಥವಾ ನಿಮ್ಮ ಕೋಣೆಯ ಗೌಪ್ಯತೆಯಲ್ಲಿ ಪರಿಹರಿಸಬೇಕು. ಕೊಳಕು ಜಗಳಗಳು ಮಕ್ಕಳನ್ನು ಅಸಮಾಧಾನಗೊಳಿಸುತ್ತವೆ.

6. ಮಗುವಿಗೆ ತನ್ನ ಮಾರ್ಗವನ್ನು ಕಂಡುಕೊಳ್ಳಲು ಸಹಾಯ ಮಾಡಿ ಮತ್ತು ಅವರ ಆಸಕ್ತಿಗಳನ್ನು ಪೋಷಿಸಿ. 

Best toys

7. ನಿಮ್ಮ ಮಗುವಿನ ಮಾತನ್ನು ಆಲಿಸಿ. ಮಗುವಿನೊಂದಿಗೆ ನಿಮ್ಮ ದಿನ, ಮಗುವಿನ ದಿನ ಮತ್ತು ಪ್ರಪಂಚದಾದ್ಯಂತ ನಡೆಯುತ್ತಿರುವ ವಿಷಯಗಳ ಬಗ್ಗೆ ಚಾಟ್ ಮಾಡಲು ಸಮಯ ತೆಗೆದುಕೊಳ್ಳಿ. ಇವು ನಿಮ್ಮ ಸಂಬಂಧದಲ್ಲಿ ಭದ್ರತೆ ಮತ್ತು ಮುಕ್ತತೆಯ ಭಾವವನ್ನು ಬೆಳೆಸುತ್ತದೆ.

ಮಗುವಿನೊಂದಿಗೆ ಯಾವಾಗಲು ಪ್ರಾಮಾಣಿಕರಾಗಿರಿ. ಒಂದು ವೇಳೆ ನೀವು ನಿಮ್ಮ ವೈಯಕ್ತಿಕ ಜೀವನದಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ, ಎಲ್ಲವೂ ಚೆನ್ನಾಗಿದೆ ಎಂದು ಬಿಂಬಿಸಬೇಡಿ. ಮಗುವಿಗೆ ನಿಮ್ಮ ಕೈ ಹಿಡಿಯಲು ಮತ್ತು ದೊಡ್ಡ ಮತ್ತು ಸಣ್ಣ ಸಮಸ್ಯೆಗಳನ್ನು ಒಟ್ಟಿಗೆ ಎದುರಿಸಲು ಅನುಮತಿಸಿ.

ಮಗುವನ್ನು ಅನ್ವೇಷಿಸಲು ಪ್ರೋತ್ಸಾಹಿಸಿ ಮತ್ತು ಪ್ರಶ್ನೆಗಳನ್ನು ಕೇಳಲು ಅಥವಾ ನಿಮ್ಮೊಂದಿಗೆ ಭಿನ್ನಾಭಿಪ್ರಾಯ ಹೊಂದಲು ಬಿಡಿ.  ಪಾಲನೆ ಮಾಡುವುದು ಒಂದು ನಿರ್ಣಾಯಕ ಜವಾಬ್ದಾರಿಯಾಗಿದ್ದು ಅದನ್ನು ಇತರರಿಗೆ ನೀಡಲಾಗದು.

ಸರಿ ಮತ್ತು ತಪ್ಪುಗಳ ನಡುವಿನ ವ್ಯತ್ಯಾಸವನ್ನು ಅವರಿಗೆ ತೋರಿಸಿ, ಮತ್ತು ಅವರಲ್ಲಿ ಆತ್ಮವಿಶ್ವಾಸವನ್ನು ಮೂಡಿಸಿ. ನೀವು ಯಾವಾಗಲೂ ಅವನಿಗೆ ಅಥವಾ ಅವಳಿಗೆ ಇರುತ್ತೀರಿ ಎಂದು ಒತ್ತಿಹೇಳಿ. ಅವರಿಗೆ ನಿಮ್ಮ ಮೇಲೆ ನಂಬಿಕೆ ಇರುವುದು ಮುಖ್ಯ.